Kulturara bideratutako diru laguntzak eskatzeko epea zabaldu du udalak
Kulturarekin lotutako elkarte eta eragileei bideratutako diru laguntzak dira martxan jarritakoak; hilaren 19ra bitartean egin dezakete eskaera interesdunek.
Gitarra jaialdiaren irudia Paradorean.
Kultura departamentuko diru laguntzak eskatzeko epea zabaldu du Hondarribiko Udalak. Hala jakinarazi du gaurkoan Juan Luis Silanes Kultura zinegotziak. Esparru horretan lan egiten duten elkarte eta eragileei zuzenduta daude, eta hilaren 19ra bitartean eska daitezke.
Zabaldutako informazioaren arabera, “diru laguntzak jaso ahal izango dituzte hondarribiarren onurarako kultura jarduerak antolatzen dituzten irabazi helbururik gabeko eta Hondarribia errotutako pertsona eta entitateek”. Ohiko eta ezohiko jarduerak sartzen direla deialdian erantsi dute.
Denera, 42.000 euroko diru-saila prestatu du udalak diru laguntzetarako. Bertan xehetasunak.
