Liburu Azoka, igandera arte zabalik
Liburuaren Azokak jada Zabaltza plaza hartu du. Salmentara bideratutako karpaz gain, bestelako ekintzetarako eremu bat egokitu dute aurten.
Goizeko irudi bat. Kulturak jada Zabaltza plaza hartu du, liburuak pixkanaka ingurua bereganatzen hasi dira. Izan ere, gaurtik igandera bitarte Liburuaren Azoka egingo dute bertan. Inaugurazio ekitaldian izan da gaur Jose Antonio Santano alkatea, urtero bezala, El Quijote eta Karmele Jaioren Aitaren Etxea liburuen zatitxo bat irakurtzeko.
Salmentara bideratutako karpaz gain, bestelako ekintzetarako eremu bat egokitu dute aurtengoan. Ondorengoa da gaur eta astebururako antolatu duten programa:
- Gaur (hilak 23):
- 10:00etatik aurrera: azoka Zabaltza plazan.
- 10:00: El Quijote eta Aitaren Etxea liburuak irakurriko dituzte publikoaren aurrean. Parte hartzeko, 943 505 421 telefono zenbakira deitu beharko da.
- 12:00: Roman Huartek bere liburuak sinatuko ditu, Liburu Azokan.
- 12:00: Haurrentzako Margotu historia liburua aurkeztuko dute Oiasso museoan.
- 17:00: Andrea Escargotek ilustrazio tailerra eskainiko die 6-12 urte bitarteko haurrei. Parte hartzeko 943 505 408 telefono zenbakira deitu beharko da.
- 19:00: Virginia Gasull eta Bakarne Atxukarrok euren liburuak sinatuko dituzte, Liburuaren Azokan.
- Bihar (hilak 24):
- 11:00: ‘Verguneza y Olvido’-ko marrazkilari Garluk eta Alex Macho komikigileek euren lanak sinatuko dituzte.
- 12:30: Itziar Sistiaga eta Virginia Gilek euren liburuak sinatuko dituzte.
- 17:00: Mundipurdiko ipuinak ipuin kontalari saioa, Maite Frankoren eskutik.
- 18:00: Mundipurdiko ipuinak ipuin kontalari saioa, oraingo honetan Lupe Lekuonarekin.
- 19:00: Ana eta Moon-en azken liburua sinatuko dute Noelia Lorenzo Pinok eta Alicia Cebrianek.
- Etzi (hilak 25):
- 12:00: Andre eta jabe ikuskizuna eskainiko dute Eider Perez eta Leire Etxezarretak Oiasso museoan.
- 13:00: Eva Huebra eta Rosa Rubiok euren liburua sinatuko dute, Liburuaren Azokan.
- 18:00: Roman Huartek bere Mary Ann se aparece liburua aurkeztuko du Amaia Kultur Zentroan.
Erlazionatutako edukiaLiburuek Zabaltza plaza hartuko dute hurrengo asteburuanAurtengo Liburu Azoka luzatzea erabaki dute
