Irunen unibertsitate campus bat eraikitzeko konpromisoa eskatu dio PPk udal gobernuari

Proiektua «jarduera ekonomikoa bultzatzeko, inbertsio berriak erakartzeko eta Irun soilik mapan pasabide bat ez izateko aukera bat» dela esan du Iñigo Manrique zinegotziak.

Irungo PP taldeak Unibertsitate Campus bat nahi du Irunen, martxoan egin zioten proposamena Muriel Larrea parlamentariak eta Iñigo Manrique Irungo zinegotziak Jokin Bildarraitz Hezkuntza sailburuari. Orain, mozio bat aurkeztu berri dute Irungo Udalean, hurrengo udalbatzan eztabaidatzeko asmoz.

Udal gobernuari proiektua egiteko konpromisoa eskatu dio Iñigo Manrique zinegotziak lehenik, proiektua eurena egin dezatela. Proiektua «jarduera ekonomikoa bultzatzeko, inbertsio berriak erakartzeko eta Irun soilik mapan pasabide bat ez izateko aukera bat» dela esan du taldeko buruak.

Taldeak 65.000 metro koadroko eremua aurreikusi du proiekturako, trenbide eremuak jasango duen aldaketa probestuz. Zehazki, Aduana kalearen, Kolon pasealekuren eta Gipuzkoa etorbidearen arteko eremuan eraikitzea da taldekoen proposamena. Kokaleku honek «milaka pertsonen bizitza hobetu eta oxigenatzeko» balioko duela erantsi du Manriquek. Finean, «espazio propioa izango duen campus bat» nahi dute alderdi popularreko kideek, «enpresan eta formakuntza dualean oinarritutakoa».

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.