Mendelu auzoari buruzko proposamena bozkatu dute bihar Batzar Nagusiek
Auzoak pairatutako "inbutua" aztertuko dute biharko osoko bilkuran; abenduan mahaigaineratu zuen gaia Abotsanitzek Aldundian.
'Mendelu soluzioa' zioen pankarta zintzilikatu zuen Abotsanitzek Itzuliaren ibilbidean. 
Gipuzkoako Batzar Nagusiek bihar bozkatuko dute Mendelu auzoaren inguruko proposamena, Abotsanitz Herri Batzarrak ezagutarazi duenez. 09:30ean ekingo diote osoko bilkurari, eta aztergaien artean laugarren puntua izango da Mendeluko “inbutua” arintzeko egindako proposamena. Zuzenean jarrai dezaketela interesdunek ere jakinarazi du udal taldeak.
Iazko abenduan eraman zuten Abotsanitzeko ordezkariek Mendeluko arazoa Bide Azpiegituretako teknikariengana. Alderdi politikoei aurkeztu zitzaien ondoren, eta bide horri heltzea erabaki zuten Elkarrekin Podemosek eta EH Bilduk. Ildo horretan, otsailaren 18an Mendelu Auzo Elkarteko eta Balaztako kideen inpresioak eta kezkak bildu zituzten Bide Azpiegituretako Batzordean. Hala, GI-2134 eta GI-636 azpiegiturak hobetzeko proposamena da bihar bozkatuko dutena.
Azkenik, Hondarribiko EAJren udal gobernuari bozketan “eragin” dezan galdegin du Abotsanitzek, “proposamenak gure udalbatzak onartutako gaiak (bidegorria, zarata-panelak…) jasotzen baititu”.
