Irun eta Hondarribia, COVID-19aren marra gorritik urrun oraindik
Atzoko hamabi positiboekin Hondarribiko tasa 294raino igo da. Irunen, berriz, lasaiago dabiltza 187ko tasa metatuarekin.
Joan den asteko ostegunetik positibo dezente izan dira Irunen nahiz Hondarribian. Baina horrek ez du eragin tasetan igoera oso larririk, eta beraz, eremu gorrian sartzetik urrun samar daude bi udalerriak. Oarsoaldean, adibidez, Lezo nahiz Oiartzun eremu horretan daude, COVID-19aren tasa 400dik gorakoa dutelako. Alta, Hondarribian atzo 12 positibo atzeman ziren, azken asteetako daturik altuena.
Joan den asteko ostegunetik, atzora arte, honakoak dira Irunen eta Hondarribian atzeman diren positiboak. Lehen zenbakia hilaren 1ekoa da (osteguna), eta azkena atzokoa (astelehena). Tartean dauden hiruak ostiralekoak, larunbatekoak eta igandekoak dira:
- Hondarribia (ostegunetik atzora arte): 7-3-8-2-12. Tasa: 294,39 (martxoaren 17an 170,75koa zen tasa).
- Irun (ostegunetik atzora arte): 6-13-13-10-13. Tasa: 187,68 (martxoaren 17an 111,28koa zen tasa).
