Bilaketa lanekin aurrera jarraitzen dute larrialdi zerbitzuek
Jaizkibelgo itsaslabarren inguruan, Biosnar lurmuturrean zehazki, jarraitzen dute iragan ostegunean desagertutako arrantzalearen bila.
![Iragan ostegunetik ari dira arrantzalearen bila [Irudia: Gipuzkoako Gurutze Gorria].](https://bidasoa.hitza.eus/site/files/2021/02/ggg.jpg)
Iragan ostegunetik ari dira arrantzalearen bila [Irudia: Gipuzkoako Gurutze Gorria]. 
Ertzaintzaren Zaintza eta Erreskate Zerbitzuak eta Gipuzkoako Gurutze Gorriak iragan ostegunean desagertutako arrantzalearen bilaketa lanei berrekin diete gaur goizean. SOS Deiak-en koordinaziopean ari dira larrialdi zerbitzuak lanean. Atzoko bilaketak ez zuen emaitzarik eman.
Jaizkibelgo Biosnar lurmuturraren inguruan desagertu zen gizona iragan ostegunean lagun batekin arrantzan ari zela. Bat-bateko itsas kolpe batek arroketara bota zuen arrantzalea. Geroztik ari dira haren bila.
