Saharako errepublikarentzat askatasuna eskatu dute Irunen
Euskal Herri osoan bezalaxe, larunbatean ere irundarrak kalera atera ziren, Saharako errepublikarentzat bakea eta askatasuna eskatzeko.
Argazkia: Jokin Melida. Euskal Herriko bestelako zientoka herritan bezalaxe, hamarnaka lagun bildu ziren larunbatean (hilak 14) Irungo San Juan plazan, Saharako errepublikarentzat askatasuna eskatzeko. Irungo saharar talde batek egin zuen deialdia. Elkarretaratzean, Sahara askea, Maroko kanpora edo Gure helburua autodeterminazioa da leloak irakur zitezkeen manifestarien karteletan.
Mendebaldeko Sahararen eta Marokoren arteko tentsio militarrak gora egin du azken egunotan. Autodeterminazio Erreferenduma egiteko promesa betetzeko eskatzen ari ziren Nazio Batuen Erakundeari, eta horretarako, urriaren 21z geroztik, protestan ibili dira Guergeraten, bertako errepide bakarra mozten. Eremu desmilitarizatua dahori, Rabat herri okupatua eta Mauritania artean kokatutakoa, baina Marokok militarrak bidaltzea erabaki zuen sahararren protestaren kontra egiteko. Fronte Polisarioak hautsitzat eman du Marokorekin 1991n sinatuta su etena, eta ondorioz, gerra egoera ezarri du.
Argazkia: Jokin Melida.
