Online bidez eskainiko dute hurrengo autodefentsa feminista ikastaroa
Hiru egunez luzatuko dute ikastaroa: hilaren 27an eta abenduaren 4 eta 11n bilduko dira, modu telematikoan.
Autodefentsa feminista ikastaro berri bat antolatu du Irungo Udalak abiatutako Ahalduntze Eskolak. Jada izena eman daitekeela iragarri dute, hilaren 24ra bitarte. Ikastaroa aldiz, hiru egunez luzatuko dute: hilaren 27an eta abenduaren 3 eta 11n (17:00etatik 20:00etara guztiak). Esteka honetan egin daitezke izen emateak.
Orain arte presentzialki eskaini dituzten arren, COVID-19ak eragindako egungo egoerak modu telematikoan egitera behartu ditu antolatzaileak. Esteka bat eskuragarri jarriko du udalak, bertatik online bidez jarraitu ahal izateko.
Ikastaroan, biolentzia matxistari aurre egiteko teknika fisikoez gain, psikologikoak ere irakatsiko dituzte. «Esperientziak elkarbanatzeko espazio bat izango da, non erasoak identifikatzen ikasiko dugun, eta horiei nola aurre egin», diote antolatzaileek.
Baldintzei dagokionez, 16 urtetik gorako emakume guztiek ahalko dute izena eman.