Hiriko ostalariei ur saneamendu eta zaborren tasa kentzea proposatu du Elkarrekin Podemosek
Atzoko Eusko Jaurlaritzaren dekretuaren ondorioz hiriko tabernariek jasan beharreko egoera salatu du taldeak, eta udal gobernuari proposamen zuzena egin berri diote.
Elkarrekin Podemos taldeko David Soto eta Miren Echeveste. Elkarrekin Podemos-Ezker Anitza taldea ere kezkati agertu da atzo Iñigo Urkullu lehendakariak ezarritako azken neurriekin. Ostalaritza ixteko dekretuaren aurrean, taldeak jada udal gobernuari honakoa proposatu dio: ur saneamendu eta zaborren tasatik ostalariak salbuestea «aginduaren eraginez itxita egon behar duten denbora guztian zehar».
Era berean, dekreatuaren eraginez kaltetuak izan daitezkeen gainerako sektoreen egoera aztertzeko premia nabarmendu dute, baita ere «pairatuko duten kolpea arindu dezakeen zerga eta tasen gaineko salbuespenak balioetsi».
Erantsi dutenez, Euskadiko ostalarien elkarteek proposatutako laguntzak eman arte, udal gonbernuek egiteko asko dutela uste dute, «hainbat neurri» har daitezkeela.
