Hondarribiar batek, adibidez, Irun, Lezo edo Pasaiako jatetxe edo kultur ekitaldi batera joateko aukera du, herri mugakideak direlako.
Eusko Jaurlaritzak argitu du, COVID-19aren zabalpenaren gainean astelehenean ezarritako neurrien harira, herritarrek ondoko herrietako edo mugakide diren udalerrietako jatetxeetara eta kultur ekitaldietara joan ahal izango dutela. Horiek “jarduera sozio-ekonomikoen” barruan daudela zehaztu du Gotzone Sagardui Osasun sailburuak. Nahasmena zegoen gaiaren gainean, asteleheneko dekretuan ez zegoelako garbi adierazia “jarduera sozio-ekonomikoen” atalean zer sartzen zen.
Beraz, hondarribiar batek adibidez, Irungo, Pasaiako eta Lezoko jatetxe eta kultur ekitaldietara joateko aukera izango du; azken hauetan sarrera soinean eramatea komeni da, Ertzaintzak edo udaltzainek eskatuko balute erakusteko. Alderantziz ere: Pasaia, Lezo eta Irungo biztanleek Hondarribiko jatetxe eta kultur ekitaldietara joateko aukera izango dute. Irunen berdin: mugakide dituen heri guztietan egin daitezke jarduera horiek.
Beheko zerrendan, Hondarribirekin eta Irunekin mugakide diren udalerriak, Gipuzkoan.
- Hondarribiaren mugakide diren herriak: Irun, Lezo eta Pasaia.
- Irunen mugakide diren herriak: Hondarribia, Oiartzun eta Lezo.
