29 Covid-19 positibo zenbatu dituzte asteburuan Bidasoan
Astebetean (Irailaren 28tik urriaren 4ra) 84 pertsona kutsatu dira COVID-19arekin Bidasoan; 57 Irunen, 27 Hondarribian.
Asteburuan hauteman dituen COVID-19 positiboak biltzen dituen txostena zabaldu du osasun Sailak. Herriz herri ez ditu asteburuan datu horiek zabaltzen, eta gaur, azken 72 ordutan zenbatutako positiboak herrika bildu ditu txosten horretan. Azken datu horien arabera, ostiraletik igande gauerdira 29 kutsatu zenbatu dituzte Bidasoko bi udalerrietan. Horietatik 21 Irunen, eta gainontzeko zortziak Hondarribian.
Egunez egun zazpi zenbatu zituzten Irunen ostiralean, 11 larunbatean, eta hiru atzo. Hondarribian, hiru positibo hauteman zituzten ostiralean, eta bost atzo; larunbatean ez zuten kasurik hauteman.
Astebetean (Irailaren 28tik urriaren 4ra) 84 pertsona kutsatu dira COVID-19arekin Bidasoan; 57 Irunen, 27 Hondarribian.
Osasun Sailaren txostena hemen irakurri daiteke osorik.
