Astebetean hogeitik gora isun espediente zabaldu dituzte Irunen
Gehienak musukoa ez erabiltzegatik zabaldu ditu Udaltzaingoak. Bat aldiz, kale zurruta egiteagatik izan da.
Irungo Udaltzaingoak berrogei salaketa jarri ditu hilaren 27tik. Hilaren 14tik 20ra, hau da, joan den astelehenetik atzora bitarte, 23 isun espediente zabaldu ditu Udaltzaingoak Irunen, udalak emandako azken datuen arabera.
Espediente gehienak musukoa ez erabiltzeagatik zabaldu dituzte, azken aste eta hilabeteetako joera errepikatu da. Zehazki, 21 isun zabaldu dituzte horregatik.
Bestalde, kale zurruta egiteagatik akta bat zabaldu zuten joan den asteburuan, San Martzialen. Era berean, talde handiegia (10 lagun baino gehiago) izateagatik ere beste espediente bat zabaldu zietela zehaztu dute udaleko iturriek.
