'Fair Play' ikuskizuna taularatuko du Kukai Dantza konpainiak ostiralean
Kukai eta Reala, futbola eta dantza uztartuko ditu taldeak oholtza gainean, Kasino zaharreko lorategietan, 20:00etan hasita.
'Fair Play' emanaldiaren irudia. 
Fair Play izenpeko dantzaldia taularatuko du Kukai Dantza konpainiak ostiralean, Kasino Zaharreko lorategietan muntatutako agertokian, 20:00etan. Realaren eta Kukairen, futbolaren eta dantzaren arteko sorkuntza lana da ostiralekoa. Realaren eta Korner festibalaren eskariz ekoitzi zuen dantza konpainiak Fair Play ikuskizuna.
Emanaldia ikustera bertaratzeko asmoa duten lagunek gonbidapena jaso beharko dute aldez aurretik Arma Plaza informazio gunean edota ondoko atari digitalean.
Emanaldiaren inguruko xehetasunak bertan kontsulta daitezke.
