Hondarribiko I. Argazki Rallya egingo dute igandean
Ttopara Kultur Elkarteak antolatuta, bost gai emango zaizkie parte hartzaileei eta goizean zehar atera beharko dituzte horiekin lotutako irudiak.
Hondarribiko Erdi Aroko azokako argazki lehiaketan parte hartutako zenbait irudi. 
Ttopara Kultur Elkarteak eta udalak Hondarribiko I. Argazki Rallya antolatu dute igande honetarako (hilak 30). Antolatzaileek erabakitako bost gai ezberdinekin lotutako irudiak lortu beharko dituzte parte hartzaileek goizean zehar. Bost sari izango dituzte eskura lehiakideek.
Goizeko 09:00etatik 10:00etara bitartean egongo da zabalik izen emate epea, Kasino Zaharreko sarreran, eta bertan kontrol argazki bat ere burutuko dutela jakinarazi dute antolatzaileek. Eguerdiko 13:00ak eta 14:00ak artean hustu beharko dituzte txartelak parte hartzaileek. Bertan kontsulta daitezke Hondarribiko I. Argazki Rallyaren oinarriak.
