Elvisen bertsioak taularatuko ditu Noa Elvis and The Wooden Hearts taldeak etzi
Kasino Zaharreko lorategietan finkatu dute Elvisen omenezko taldearen kontzertua, 20:00etan abiatuta.
Noa Elvis & The Wooden Hearts taldeak kontzertua emango du etzi, Kasino Zaharrean. 
Elvis Presley abeslariaren omenezko kontzertua eskainiko du Noa Elvis & The Wooden Hearts taldeak etzi, igandearekin, Kasino Zaharreko lorategietan (20:00). Emanaldira sartu ahal izateko gonbidapenak jasotzea ezinbestekoa dela gogoratu du Hondarribiko Udalak, Arma Plaza informazio gunean edo ondoko atari digitalean.
NoaElvis & The Wooden Hearts talde gipuzkoarra da, Noa Egiguren abeslariak gidatzen du, eta Hector Martinez (bateria), Ivan Sotelo (baxua), Dani Fernandez (gitarra) eta Iñaki Miguel (teklatuak eta gitarra) musikariak ditu bidelagun. Taldea 2016an sortu zen, eta Elvis Presley omentzen duten taldeen artean emakume baten ahotsa duen talde bakarra da.
