Bi positibo berri baieztatu dituzte azken 24 orduetan Bidasoan
Osasun Sailak plazaratutako txostenak jasotzen duenez, positibo bana zenbatu dute Hondarribian eta Irunen azken egunean.
Koronabirusaren eboluzioaren gaineko datu ofizialen arabera, Bidasoko bi lagun kutsatu ditu COVID-19 gaitzak azken 24 orduetan. Osasun Sailaren txostenak dioenez, positibo bana baieztatu dute Irunen eta Hondarribian. Erdialdeko anbulatorioan atzeman dute azken positiboa.
Eusko Jaurlaritzako Osasun Sailak plazaratutako txostenak atzoko 00:00etatik 23:59era bitarteko datuak jasotzen ditu. Bertan kontsulta dezakete interesdunek.