'Back to the future' filma Bizinema Bang Bang zikloaren hurrengo hitzordua
Hilaren 7rako finkatu du jatorrizko bertsioa proiektatzeko hitzordua Kultura departamentuak, Junkal plazatxoan, 22:00etatik aurrera.
Robert Zemeckisen ‘Back to the future’ kartela.
Bizinema Bang Bang zikloaren barruan, Back to the future filma proiektatuko du ostiralean (hilak 7) Junkal plazatxoan, 22:00etan. Robert Zemeckisek 1985ean zuzendutako ikus-entzunezkoa jatorrizko bertsioan emango dute, eta 116 minutuko iraupena izango du.
Era berean, azkem neguan CBA liburutegian aurrera eramandako film laburren tailerrean ekoitzitako lanetako bat proiektatuko dute filmaren aurretik, Kultura departamentuak jakinarazi duenez. Hortaz, finkatutako hitzordua baino 50 minutu lehenago (21:10) bertaratzeko eskatu die Kultura arloak herritarrei. Plazatxoaren gehienezko pertsona kopurua 180 lagunekoa dela gogoratu dute udaletik.
