Marmokak Amua jaialdian eskainitako zuzenekoa entzungai jarri du sarean
Scooby Band gazte orkestrarekin partekatutako emanaldia ere barneratzen du zuzenekoak; baita Beti Mugan eta Itoiz taldeen bertsio bana ere.
Marmokako eta Scooby Band orkestrako kideak Itsas Etxea auditoriumeko agertokian. 
Amua jaialdian eskainitako zuzeneko emanaldia Interneten eskuragarri jarri du Marmoka musika taldeak. Iazko azaroaren 2an Itsas Etxea auditoriumean emandako kontzertua da sarean entzungai jarritakoa, eta Scooby Band gazte orkestrarekin partekatutako emanaldia barneratzen du. Era berean, Beti Mugan eta Itoiz talde ospetsuen bertsio bana ere bildu dute Marmokako kideek azken zuzeneko honetan. Egindako lana dela-eta soinu teknikariei eta jaialdiko antolatzaile Ernesto Toledori eskerrak eman nahi izan dizkie Marmoka taldeak. Bertan ikus daiteke taldeak argitaratutako azken musika lana.
