EAJk eskuratu ditu boto gehien Irunen
7.915 boto jaso dituzte jeltzaleek. Haren atzetik, PSE-EE (4.792), EH Bildu (3.764), Elkarrekin Podemos (2.265), PP+ Ciudadanos (1.709) eta Vox (721).
Hautetsontzi bat, bozkaz beteta. Iñigo Urkulluren (EAJ) hautagaitza izan da bozkatuena gaur Irunen. Guztira, 7.915 boto eskuratu ditu alderdi jeltzaleak. Bigarren alderdi bozkatuena PSE-EE izan da, 4.792 botorekin. Haren atzetik, EH Bildu (3.764 boto), Elkarrekin Podemos (2.265 boto), PP+ Ciudadanos (1.709 boto) eta Vox (721 boto).
Lurralde guztietan bezalaxe, Irunen ere EAJ eta EH Bildu izan dira gaurko protagonistak. 2016ko hauteskundeetan lortutako emaitza eustea lortu dute jeltzaleek (27 boto gehiago); koalizio subiranistak ordea, 384 boto gehiago eskuratu ditu.
PSE-EEk galera nabarmena jasan du 2016ko emaitzekin alderatuta (ia 500 boto galdu dituzte), baina ez Elkarrekin Podemosek bezain beste. Zalantzarik gabe, gaurko kaltetuena izan da formazio morea. 2.000 boto baino gehiago galdu dituzte.
Parte hartzea %52,71ekoa izan da, ia lau puntu jaitsi da (%56,19koa izan zen 2016an).
Ondorengoak dira, gaurko hauteskundeetan Irunen izan diren emaitzak (parentesi artean 2016ko emaitzak):
- EAJ: 7.915 (7.888 boto).
- PSE-EE: 4.792 (5.240 boto).
- EH Bildu: 3.764 (3.380 boto).
- Elkarrekin Podemos: 2.265 (4.762 boto).
- PP + Ciudadanos: 1.709 (PPk 3.040 boto; Ciudadanosek 792 boto).
- Vox: 721 (-).
Gaurko emaitza guztiak, hemen kontsulta daitezke.
