Ama Xantalen adinekoen egoitza, Kabia erakundeko kide berria
Kabiak kudeatuko dituen 16 egoitzetako bat izango da Irungoa. Maite Peña Gizarte Politikako foru diputatuaren arabera, egoitzen bateratzea prozesuak "onura handiak" dakartza eguneroko kudeaketan.
Gaurtik (hilak 1), Irungo Ama Xantalen adinekoen egoitza Kabia erakundeko kide berria da. Beraz, Kabiak kudeatuko dituen 16 egoitzetako bat izango da Irungoa. Maite Peña Gizarte Politikako foru diputatuaren arabera, egoitzen bateratzea prozesuak “onura handiak” dakartza eguneroko kudeaketan. “Hala erakutsi du COVID 19aren krisiak, koordinazio eta komunikazioa inoiz baino garrantzitsuagoak izan direnean. Kabia erakusten ari da oso eredu baliagarria dela, eta gai dela azkar, eraginkortasunez eta arintasunez erantzuteko adineko pertsonentzako egoitza arretaren erronkei”.
Ama Xantalenek, egun, 70 egoitza plaza ditu, eta beste 15 eguneko zentroan. Azken hauek batuta, Kabiak orotara 1.505 plaza kudeatuko ditu.
