Bandera horia jarri dute hondartzan eta "zuhurtziaz" jokatzeko eskatu du udalak

Kutsadura motaren gaineko argibide gehiagorik eman gabe, bainu "azkarrak" hartzera eta ondoren hondartzan bertan "dutxa hartzera" deitu du udalak.

Bandera horia hondartzan. "Zuhurtziaz" jokatzera deitu ditu udalak bainulariak.

Bainua debekatu zuen atzo Hondarribiko Udalak uraren kalitatearen gaineko azterketek balio “ez onargarriak” ezagutarazi ondoren. Uraren Euskal Agentziak (URA) eta Txingudiko Zerbitzuak-ek (Txinzer) kutsadura neurtzeko atzo bertan hartutako laginen emaitzak ezagutarazi ditu udalak, baina ez du zehaztu zein den ur kalitatearen maila bainatzeko debekura arte eraman duen arrazoia.

Hortaz, kutsadura motaren gaineko argibide gehiagorik gabe, bandera horia ezarri dutela jakinarazi du tokiko gobernuak bainulariek “zuhurtziaz” joka dezaten. Horrez gain, bainu “azkarrak” eta ondoren “dutxa hartzea” gomendatu dute, “hondartzako azpiegituretan erabilgarri dauden dutxetan bertan”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.