Kulturari ateak zabalduko dizkiote berriro datorren astean
Larrialdi egoeragatik itxi behar izan zituzten eraikin askok datorren astean zabalduko dituzte berriro ateak. CBA, Oiasso museoa, Menchu Gal aretoa eta Amaia KZ dira horren adibide.
CBA Kultur Gunea izango da bisita gidatuen lehen geltokietako bat. Larrialdi egoera dela eta itxi behar izan zituzten udal zerbitzu eta ekipamendu asko normaltasunera itzultzen hasi dira. 2. faseari esker berriz ere ateak zabaldu dituzte eraikin askok. Ondorengoa da kulturarekin lotutako zerbitzuen egoera:
- CBA: Ekainaren 1etik aurrera liburuak eta bestelako materiala maileguan emateko eta jasotzeko zerbitzua martxan jarriko dute. Soilik horretarako erabili ahalko da. Aldez aurretik hitzordua hartu beharko da, 943 50 54 21 telefono zenbakian edo helbide honetara idatziz. Katalogoa internet bidez kontsulta daiteke, esteka honetan. Deseskalatzeak aurrera egiten duen neurriak liburutegiko gainerako zerbitzuak pixkanaka irekitzen hasteko asmoa du udalak. Kontsultarako aretoa uztailaren 1ean irekitzea aurreikusi dute; gainerakoa berriz, irailaren 14an.
- Oiasso Erromatar Museoa: Ekainaren 5ean zabalduko ditu ateak, aurretik zoladura konpontzen ari baitira. Edukiera %5oekoa izango da (180 pertsona), eta maskarak erabiltzea derrigorrezkoa izango da, baita ere bi metroko distantzia mantentzea. Udako ordutegia izango du (asteartetik larunbatera 10:00etatik 20:00etara eta igande eta jai egunetan berriz, 10:00etatik 14:00etara) eta bisita gidatuak soilik asteazken, ostiral eta larunbatetan egingo dituzte (12:00etan). Bisita gidatuen taldeak, gehenez, 15 lagunekoak beharko dute izan.
- Menchu Gal aretoa: Ekainaren 2ean zabalduko dute berriro. Aretoa bisitatzeko aukera izango da, eta bertan itxi aurreko erakusketa ikusi daiteke (GAUR artista taldeko Jose Antonio Sistiaga Mossoren erakusketa). Uztailaren 12ra bitarte bisitatu daiteke, asteartetik larunbatera 18:00etatik 21:00etara eta igande eta jai egunetan 11:30etik 13:30era.
- Amaia Kultur Zentroa: Ekainaren 2an zabalduko dute baina erakusketa galeria izango da normaltasunera itzuliko den bakarra; hitzaldi aretoa eta auditoria ezingo da erabili. Galerian pintura eta marrazki akademiaren erakusketa egongo da, ekainaren 3tik aurrera. Ordutegia, ondorengoa izango da: asteartetik larunbatera 18:00etatik 21:00etara eta igande eta jai egunetan 11:30etik 13:30era.
