23.166 euro bildu zituen San Silbestre solidarioak DOArentzat
Sport Mundi elkarteak Urtezahar egunean egindako elkartasun lasterketan bildutako dirua txeke bidez jaso du gaur goizean GKEak.
Sport Mundiko ordezkariek San Silbestre solidarioan bildutakoa DOAri emanez. 
23.166 euroko txekea jaso du gaur goizean Denok Osasunaren Alde (DOA) gobernuz kanpoko erakundeak (GKE). Sport Mundi elkarteak Urtezahar egunean antolatutako San Silbestre lasterketa solidarioaren bitartez bildutako diru kopurua da DOAk jasotakoa. Bolivia eta Guatemalan garatzen ari den proiektuetara bideratuko du GKEak diru-laguntza.
Irudian ikus daitekeenez, Manu Amunarriz eta Juanan Garcia Sport Mundiko ordezkariek DOAko Roberto Garciari eman diote taloia, Txomin Sagarzazu alkatea bertan zela.
