Gipuzkoako xake txapelketaren laugarren jardunaldia jokatu dute asteburuan
Hirugarren kategoriako C taldeko lehiaketan parte hartzeaz gain, hori antolatzea egokitu zaio Hondarribiko Marlaxka xake elkarteari; klubeko ordezkaritza zabala ari da parte hartzen.
Larunbateko partidaren irudia
Hondarribia Marlaxka Xake Elkarteak jakitera eman duenez, Gipuzkoako banakako hirugarren kategoriako C taldeko laugarren jardunaldia jokatu zuten larunbatean, Kasino Zaharrean. Hondarribiko elkartearen ordezkaritza zabalak parte hartu zuen lehiaketan; hemeretzi lehiakidetik hamabost Marlaxkakoak ziren. Enrike Oiarzabal nazioarteko arbitroa epai nagusi bezala aritu zen, Daniel Garmendiaren eta Goio Uriarteren laguntzarekin.
Sailkapen orokorraren lehenengo bi postuak. Hondarribikoak ez diren bi jokalariek bete zituzten arren, Marlaxkako Jokin Etxaniz eta Ibon Muñoz hirugarren eta laugarren postuetan sailkatu ziren, hurrenez hurren. Hilabete honetan zehar larunbatero jokatuko dituzte partidak hirugarren kategoriako C taldekoak.
