Normaltasunez joan da goizeko boto-ematea
Intzidentziarik gabe igaro da goizeko boto-ematea Irunen. 09:00etan zabaldu dituzte hiriko 21 mahaiak. 14:00ak inguruan HITZAk lehen parte hartze datuen berri emango du.
Emakume bat San Juan plazako hauteslekuan botoa ematen. Intzidentziarik gabe igaro da goizeko boto-ematea Irunen. Eguraldiak lagundu ez duen arren, ilarak sortu dira HAZ eta Luis Mariano hauteslekuetan. 09:00etan zabaldu dituzte Irungo 21 mahaiak, eta ordutik, irundarren jarioa etengabekoa izan da. 14:00ak inguruan HITZAk lehen parte hartze datuen berri emango du.
46.866 irundar daude deituta gaur udal, foru eta Europako hauteskundeetan botoa eramatera. Orotara, zazpi hautagaitza aurkeztu dira aurten: PSE-EE, EAJ, Elkarrekin Podemos, EH Bildu, PP, Ciudadanos eta Vox.
Hona, 2015ko udal hauteskundeetako emaitzak:
- PSE-EE: 9.405 boto.
- EAJ: 5.133 boto.
- SPI (orain Elkarrekin Podemos bezala aurkeztu dira): 5.106 boto.
- EH Bildu: 3.486 boto.
- PP: 2.196 boto.
- Irabazi Ganar Irun: 1.178 boto.
- Ciudadanos: 1.022 boto.
- UPyD: 248 boto.
