Irungo Udaleko Gazteria sailak, 16 eta 30 urte bitarteko gazte boluntario irundarrei bideratutako zerbitzu berria aurkeztu du gaur.
Gaur aurkeztu dute boluntariotza programa berria.
Irungo Udaleko Gazteria sailak, 16 eta 30 urte bitarteko gazte boluntario irundarrei bideratutako zerbitzu berria aurkeztu du. Gaur aurkeztu dute Gazteria ordezkari Josune Gomezek, Hezkide Eskolako Eva Sanchez eta Rakel Alvarezekin batera.
Boluntariotza inguruko aholkularitza Irungo gazteen eskura jarriko dute, “aurrera eramaten ari diren giza hezitzaileetan borondatezko ekintzetan parte har dezaten”. Gainera, gazte “aktibo, inplikatu eta partehartzaileak” izateko erreminta bezala definitu du Gomezek.
Ondorengoak dira, Gazteria sailak boluntariotza programa berriarekin planteatu nahi dituen helburuak:
- Irungo gazteen eta herritar aktiboen parte hartzea sustatzea, hirian ekintza boluntarioak eginez.
- Boluntariotzaren ezagutzan sakontzea: ekintza boluntarioen izaera altruista, solidarioa eta aukerak balioan jartzea, informatzea eta kontzientziatzea.
- Gune publikoa gune solidario gisa ikustea, programa eta gazteen ekintzak gizarteratuz.
- Modu dinamikoan sustatzea Gizarte Ekintzaren hirugarren sektoreko baliabideen, kolektiboen eta entitateen ezagutza.
Gaurtik aurrera, astelehenetatik asteazkenetara (1600etatik 20:00ak bitarte) eta ostiraletan (10:00etatik 14:00etara), Igazte bulegoak aukera emango du gazteen zalantzak argitzeko. Bestela, 943 50 54 40 edota
helbide elektronikora deitu edota idatzi beharko dute interesdunek.
