Bidasoa eskubaloi taldea, Korrikarekin bat

Bidasoa eskubaloi taldeko jokalariek bat egin dute Korrikarekin. Jokalarietako bat AEK-ko ikasle da, eta haren ekimenez bildu dira Korrikaren alde.

Urko Etxebeste

Irun

2017/03/28

Eskubaloi jokalariak, Korrikaren pankartarekin.

Bidasoa eskubaloi taldeko kideek, talde nagusikoek, bat egin dute Korrikarekin. Artalekun bertan BatZUK pankarta eskuan hartu —aurtengo Korrikaren leloa da— eta argazkia atera dute AEKren herri lasterketa erraldoiarekin bat egin, eta ahalko balute, parte hartzeko prest daudela esateko. Korrika apirilaren 4an sartuko da Irunen (ostegun honetan hasiko da Otxandion). Hain zuzen, bazkalordu inguruan, 14:05an-edo, da sartzekoa hirian, Oiartzundik, 20. Korrika. Hona gutxi gorabeherako ordutegia:

14:05an, Oiartzunek Iruni emango dio lekukoa Gurutze aldetik aurrera.
14:30ean, La Salle ikastetxean.
14:34an, San Juan plaza.
14:45ean, Azken Portu kiroldegian. Handik Biriatu, Hendaia aldera joango da.
16:00etan, Ficoban.
16:12an, Mendelun (Hondarribirantz joango da).
16:50an, Hondarribitik bueltan, Anakara doa.
17:09an, Gaintxurizketan, Zaldubborda inguruan. Handik Lezorantz joango da Korrika.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.