2016ko Udal Artxiboaren berezitasunen berri eman dute

Irungo Udaleko Informazioaren Gizarte sailak Udal Artxiboak 2016. urtean izan zuen jardueraren berri eman du.

2017/03/28

Udal Artxiboaren urteko memoriaren aspektu garrantzitsuen berri eman dute.

Irungo Udaleko Informazioaren Gizarte sailak Udal Artxiboak 2016. urtean izan zuen jardueraren berri eman du. Urteko memoria horretan 250. urteurrena eta artxiboak izan zituen bisitaz gain, urtean zehar hirian egin diren ekitaldi esanguratsuen oihartzuna ere aztertu dute. Egun, Udal Artxiboan kilometro eta erdiko artxiboko dokumentuak aurki daitezke. Joan den urteko jarduera artxibotik ateratako aspekturik esanguratsuena Irungo udalerriak eskubide osoko hiri bezala ospatu zuen 250. urteurrena izan zen. Urteurren horrekin batera, Sagrario Arrizabalagak idatzitako liburua edo Anaka Kofradiaren eskutik egindako Udal Artxiboko Ohorezko Kofradearen tronuratzea izan dira urteurren horren ekitaldirik azpimarragarrienak. Udal Artxibora jo duten hiritarren kopurua 2015. urtearen oso antzekoa izan da. Adibidez, 2016ean 228 ikertzaileren asistentzia eta 979 dokumenturen kontsulta gertatu ziren, 2015eko datuen antzera. Ikertzaileez gain, denbora gutxiago behar duten bisitak ere egiten dira artxiboan. Horiek arkitekto edo aparejadoreen bisitak izaten dira orokorrean. Guztira, eta ikertzaileen bisitak alde batera utzita, 1.362 txosten kontsultatu dituzte joan den urtean. Udal Artxiboko fototekara 253 irudi berri gehitu ziren 2016ean. Gaur egun artxibo horretan 57.619 irudi aurki daitezke. Fototeka digitala da Udal Artxibotik bisita gehien jasotzen dituena. 2016. urtean %15eko igoera izan zuen, 214.474 bisita izatera iritsi arte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.