Metta Bidasoa, eskualdearekin konpromisoa izango duen erreminta

Irungo eta Hondarribiko Udalak, Bidasoa Bizirik-en bidez, pertsona ekintzaileek proiektu pertsonalen sorrerarako izaten dituzten finantziazio arazoak konpontzeko bidea definitu dute.

Imanol Saiz

Hondarribia,Irun

2017/03/27

Gaur aurkeztu dute eskualdeko ekonomia bultzatzea asmo duen egitasmoa.

Irungo eta Hondarribiko udalek, Bidasoa Bizirik-en bidez, pertsona ekintzaileek proiektu pertsonalen sorrerarako izaten dituzten finantziazio arazoak konpontzeko bidea definitu dute. 2014ean sortutako Metta Bidasoa elkartea izango da Bidasoko ekonomiaren garapena sustatuko duen elkartea. Irabazi asmorik gabeko elkartea da eta Bidasoko garapen ekonomikoa indartzeko helburuarekin sortu zen. Nafarroako Rural Kutxa izango da proiektuan parte hartuko duen finantza entitatea. Prentsaurreko baten bidez eman dute hitzarmenaren sinatzearen berri Jose Antonio Santano eta Txomin Sagarzazu alkateek, Nuria Delgado Rural Kutxako Gipuzkoako zuzendari eta Leire Gil eta Koldo Ribera Metta Bidasoako presidentea eta idazkariarekin batera. Europa 2020 estrategiaren barruan, 2014an mugaz gaindiko lurraldeko gizarte erantzukizunaren inguruko proiektu batean egindako ikerketa baten ondorioa izan da Metta Bidasoa. Irungo eta Hondarribiko enpresen bultzadatik sortu zen eta enpresen eta norbanakoen erantzukizun soziala indartuko duen ekimena da. Hemendik aurrera lanean jarriko dira Metta Bidasoa-tik, eskualdeko garapen ekonomikoa indartzeko hartu beharreko lehen urratsak definitzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.