'Bibak' eta txaloak parekideari, betiko hutsuneekin

Alarde parekideak txaloak eta animo oihu asko jaso ditu. Baina udaletxean, gobernu taldeko inork ez dio harrerarik egin.

Urko Etxebeste Petrirena

Irun

2016/06/30

Inma Landa parekidearen jenerala San Juan plazan sartzen.

Irungo alarde parekidea, publikoa, inolako arazorik gabe egiten ari da bere bidea. 10:20an egin dute arrankada San Martzial kalean, eta espaloiak jende lepo zirela iritsi da San Juan plazara. Han, Inma Landa jeneralak konpainiak ikuskatu, eta eskopeten ehunka tirokada ondoren hirira joan da alarde ez baztertzailea. “Bibak” eta txaloak, animo oihuak, izan dituzte emakume eta gizon soldaduek. Pozik dabiltza, harro. San Juan plazan, udaletxearen atarian, harrera egin diote parekideari. Bertan izan dira Arartekoaren, Emakunderen, EH Bilduren (hirikoak eta Gipuzkoakoak), Ahal Dugu-ren, eta aldundiaren ordezkariak. Hala, Denis Itxaso (PSE-EE) Kultura, Turismo, Kirol eta Kooperaziorako diputatuak eman die hiriko bandera parekideko kideei: emakume soldadu batek jaso du, Bidasoa konpainiakoa. “Inprobisatua” izan omen da keinu hori, HITZAk jakin duenez. Irungo udal gobernu taldeko inor ere (PSE-EEk eta EAJk osatzen dute) ez zegoen alarde publikoaren zain, tartean, Jose Antonio Santano alkatea. Arantxa Iraola BERRIA egunkariko kazetariak jaso duenez, ez ditu herritar guztiak gustura utzi Itxasok. “Zu ez zara Irungo alkatea. Non dago Santano?”, entzun behar izan du. Nolanahi ere, emakumezko soldadu batek bandera jaso duenean, txalo zaparrada handia izan da. Itxasok berak badaki gatazkatsua dela gaia, eta komunikabideen aurrean ez du adierazpenik egin; oharra kaleratuko duela jakinarazi du. “Ongi neurtu nahi ditut hitzak, ulertu ezazue”, esan du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

'Bibak' eta txaloak parekideari, betiko hutsuneekin

Gipuzkoa

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa fundazioak joko interaktibo bat sortu du Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita

Donostiako autobus geltokia moldatzeko proiektu bat aurkeztu du udalak