Kabigorrin, bazkariaz gain, beste hainbat jarduera egingo dituzte iniziatibarekin bat egiten dutenek
Kabigorrin egingo dute bazkaria
I. Bazkari Herrikoi Feminista egingo dute Irungo Kabigorrin hilaren 13an (hurrengo asteko igandea). Ez da soilik bazkaria izango, ordea, horren inguruan hainbat jarduera antolatu dituztelako Kabigorriko antolatzaileek eta Txingurri Heziketa Elkarteko laguntzaileek, “herri bazkari bakarra eta errepikaezina izango da”, esan dute.
Bertan egoteko, beharrezkoa da aldez aurretik erreserba egitea, hilaren 6a (igande hau) baino lehen. 25 euroan eros daitezke txartelak, bi bide jarraituz: lehena 649 311 636 telefono zenbakira deituz, bigarrena
posta elektronikora mezua bidaliz.
Menua “%100 etxekoa” izango da, eta musika eta ipuin kontalaria ez dira faltako. Honakoa da hilaren 13rako prestatu duten egitarau zehatza, Kabigorrin:
- 12:00etan, ongi etorria.
- 12:30ean, aperitifa (4 mokadurekin pertsonako) eta Irene Sotelo Brun ipuin kontalariaren saioa.
- 14:00etan, bazkaria. Menua: arrain zopa, txahal masaila edo txipiak aukeran, edaria, postrea eta kafea. Aukera begetarianoa ere egongo da, aldez aurretik eskatuta.
- 16:00etan, Indidxabak taldearen kontzertua.
