Prebentzioa aldarrikatuko dute Bularreko Minbiziaren Kontrako Egunean

Garaiz detektatuz gero bularreko minbizia sendatzen dela esan dute.

Asier Perez-Karkamo

2015/10/14

Antolatzaileak, Kasino Zaharreko balkoian, aurkezpenaren ondoren

Hilaren 19ean izango da Bularreko Minbiziaren Kontrako Eguna, eta Minbiziaren Aurkako Gipuzkoako Elkarteak (AECC), Hondarribiko Udalak, Emeki elkarteak eta Kattalin bularreko eta ginekologiako minbiziagatik eragindako emakumeen elkarteak egitarau bateratua prestatu dute. Gaixotasunaren kontrako jardunaldia astelehenean izanagatik, aurretik mobilizatuko dira, eta ostiral eta larunbaterako zenbait ekitaldi prestatu dituzte. Gaur aurkeztu dute Bularreko Minbiziaren Kontrako egitaraua, Kasino Zaharrean. Bertan izan dira Maider Sierra Minbiziaren Aurkako Gipuzkoako Elkarteko psikologoa, Maite Pelaez Gizarte Zerbitzuetako aurreko zinegotzia —egungoa, Arantxa Berrotaran, ikastaro batean zegoen—, Ascen Oskoz Emekiko kidea, eta AECC nahiz Emekiko beste hainbat kide. Sierrak prebentzioaren aldarria egin du, bularreko minbizia garaiz aurkituz gero, sendatzen delako: “Modu goiztiarrean detektatu daiteke, eta sendatu. Geroz eta kasu gehiago sendatzen dira, baina horretarako detektatu behar dira”. Horregatik, mamografien eta autoesplorazioen garrantziaz ohartarazi du psikologoak. Emekiren izenean, hondarribiarrei deia luzatu die Oskozek: “arazoa ahalik eta lehenen aurkitu, soluzioa errazagoa da”. Sendatzen diren kasuen kopurua hazten ari den arren, asko dira bularreko minbizia izaten duten emakumeak. “Gehien ematen den minbizia” dela onartu du Sierrak, baina kopuru hain handia egotearen arrazoia “detekzio goiztiarra” dela adierazi du. Nolanahi ere, bularreko minbizia pairatzen dutenen %45ak laguntza psikologikoa behar izaten duela erantsi, eta AECC elkarteak Bidasoan zerbitzu hori dohainik ematen duela jakinarazi du. Egitarau bateratua Ostiral goizean hasiko dira Bularreko Minbiziaren Egunari lotutako ekitaldiak. Goizeko Ttipi-ttapa programa berezia izango da, eta paseatzera joaten direnek arrosa koloreko zapi, puxika eta ur botilekin egingo dute ibilbidea. Herriko nagusiak Itsas Etxetik abiatzen dira ostiralero ttipi-ttapa, eta Itsas Etxean ere egingo dute arratsaldez ostiraleko bigarren ekitaldia, Julio Medemen Ma ma film luzearen proiekzioa. Larunbat goizean herrian zehar ariko dira bularreko minbizia prebenitzearen garrantzia nabarmentzeko. Ondoren, ekitaldia egingo dute Puntalean, Emekiren egoitzan, 12:30ean. Besteak beste, Rosa Gomez olerkariak ekitaldirako propio prestaturiko poema bat entzuteko aukera izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Prebentzioa aldarrikatuko dute Bularreko Minbiziaren Kontrako Egunean

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean