Ekitaldiak eta fakturazioa, gora Ficoban

Urtea bukatu baino lehen azoka garrantzitsuak egingo direla esan dute erakustazokako kideek.

2015/07/29

Ficobaren ataria

Ficoba ondo doa. Baieztapen hori egin dute erakustazokaren arduradunek hainbat datu emanaz: fakturazioa edo salmentak %7,4 igo dira urteko lehen seihilekoan 2014arekin alderatuz, eta iazko 143 ekitaldien aurrean, 153 egin dira aurten. Eta azokaren funtzionaltasunaren eta egokitzeko gaitasunaren berri ematen duen datu bat eman dute: ekainaren 13ko gauean Fito eta Fitipaldis taldearen kontzertuan 4.000 pertsona egon ziren; hurrengo eguneko bazkari orduan beste 1.800 izan ziren, European Oldies Rugby jaialdiari amaiera emateko bazkarian. Eta aurrera begira azoka eta ekitaldi asko dituztela esku artean adierazi dute erakustazokaren arduradunek. Honakoak dira esanguratsuenak:

Irailaren 11tik 13ra, Expogrow Kalamuaren Nazioarteko Azoka.
Irailaren 26an, Irun Zuzenean-en barruko kontzertu erraldoia.
Urriaren 6 eta 7an, Uhinak Klima Aldaketa eta Itsasertzeri buruzko kongresua.
Urriaren 16tik 18ra, Oztoporik Gabe azoka.
Azaroaren 14 eta 15ean, X. Sportjam azoka.
Azaroaren 20tik 22ra, Ficoauto, bigarren eskuko ibilgailuen azoka.

Azken berriak

Harpidetu zaitez gure buletin irekira!
Asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.