Irungo Urdanibia auzunean, gaurtik, jaiak

Uztarri Ona auzo elkarteak antolatu ditu. Biharko eguna piraten eguna izango da.

Kale hauek alaitasunez beteko dira asteburuan Urdanibian

Kale hauek alaitasunez beteko dira asteburuan Urdanibian

Piraten jaiak egingo dituzte Irungo Urdanibia auzunean. Gaur hasiko dira festak, eta Uztarri Ona auzo elkarteak antolatu ditu. Bertatik esan dutenez, ahalegin handia egin dute bertako festak ahalik eta erakargarrienak izan daitezen, eta horiek aberatsago izan daitezen dei egin diete auzokideei taldeko kide izateko. Edonola ere, gaur, 19:00etan hasiko dira festak danborradarekin. Honakoa da egitarau zehatza: Gaur, ostirala
  • 19:00etan, festen hasiera eta danborrada Bidasoa txarangarekin. Erraldoi eta buruhandiek auzotik zehar ibilbidea egingo dute.
  • 21:00etan, koadrilen afaria txosnaren ondoan. Jakiak etxetik eraman behar dira, baina bada aukerarik bertan afaria eskatzeko. Honakoak dira xehetasunak: mahaian tokia, aulkia eta kontsumizio bat izateagatik 2 euro ordaindu behar dira; patata tortilla otartekoa, mahaian tokia, aulkia eta kontsumizio bat izateagatik 6 euro ordaindu behar dira; haurren menua 5 eurokoa da (makarroiak eta edaria).
  • 22:30ean, dantzaldia Eihera plazan DJ batekin.
Bihar, larunbata
  • 11:30ean, haurrentzako jolasak Eihera plazan.
  • 12:00etan, bakailao tortilla txapelketa. Izen emateak 3 euro balio du: Uztarri Onaren posta elektronikora mezu bat bidaliz egin behar da izen ematea.
  • 16:00etan, Tandem tabernan Mus Txapelketa. Izen ematea: 10 euro bikoteko. Bertan eman behar da izena.
  • 16:30ean, saskibaloi eta futbito txapelketen finalerdiak.
  • 21:00etan, herri afaria Eihera plazan. Pirataz janzteko eskatu dute auzo elkarteko kideek (jantzirik onenari saria emango diote). Auzo elkartearen adineko bazkideek 13 euro ordaindu behar dituzte, eta ez direnek 16; haur bazkideen txartelaren prezioa 6 eurokoa da, eta bazkide ez direnena 9koa.
  • 22:30ean, dantzaldia DJ batekin Eihera plazan. Haurrentzako minidiskoa egongo da.
  • Gauerdian, sorpresa musikala Uztarri Onaren eskutik.
Etzi, igandea
  • 11:00etan, herri lasterketa haurrentzako eta familientzako. Izena emateko euro bat ordaindu behar da, auzo elkartearen lokalean.
  • 12:00etan, marrazketa, eskulan eta makillaje tailerrak.
  • 12:00etan, alde zaharrean toka txapelketa. Izen ematea: 4 euro.
  • 12:30ean, Zumardikoak abesbatzaren emanaldia.
  • 13:30ean, toka txapelketaren sari banaketa.
  • 16:30ean, saskibaloi eta futbito txapelketen finalak.
  • 17:00etan, haurrentzako ikuskizuna DJ Porruaren eskutik.
  • 18:00etan, haurrentzako askaria.
  • 19:00etan, apar festa.
  • 20:00etan, agurra eta festen bukaera.
 
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.