Dies Oiassonis, zaporez betea

Erromatarren egunen barruan pintxo bereziak, afariak eta tailerrak egingo dituzte, denetan erromatarren garaiko sukaldaritza ardatz dela.

Urko Etxebeste Petrirena

Irun

2015/07/10

Haurrentzat ere tailerrak antolatu dituzte.

Dies Oiassonisen barruko hainbat jarduera abian daude, nahiz eta egitarau ofizialari erreparatuz (behean dago egitarau osoa, PDF formatuan), hilaren 17tik 19ra (hurrengo ostiraletik igandera) egingo diren ekitaldi nagusienak. Abian diren iniziatiba horietako batek erromatarren garaia eta gastronomia batzen ditu, Irun Dastatu eta Oiasso Erromatar Museoaren ekimenez, eta udalaren laguntzarekin. Horrela, gaurtik 19ra Santiago kaleko, San Juan inguruko, Alde Zaharreko eta Zabaltza plazako tabernetan erromatarren garaiko osagaiez egindako pintxoak egingo dituzte, 1,50 euroko salneurrian. Bestalde, Erromako Gourmet Afariaz gozatzeko aukera egongo da (eramateko afaria da) hilaren 18an, bat eginaz egun horretarako antolatu den kontzertu erromatar ibiltariarekin (goizez 10:00etatik 14:30era, arratsaldez 17:00etatik 20:00etara. Afari hori Gaztelumendi Antxon, Amona Kattalin eta Danako jatetxeetan egingo dute, baina eskaerak aldez aurretik egin behar dira Irungo Turismo Bulegoan; otorduak hilaren 18an jasoko dituzte eskaera egileek Oiasso Erromatar Museoan. 20 euroko prezioa du, eta hiru platerez eta postreaz osatua dago. Tailerrak Jan bakarrik ez. Ikasteko aukera ere egongo da Dies Oiassonisen barruan Irun Dastaturen bidez. Horrela, hilaren 16an (osteguna), 19:30etik aurrera eta Bidasoa Bizirik-ek Ama Xantalenen duen egoitzan, Felix Mansok (Gaztelumendi Antxon jatetxekoa da) erromatarren sukaldaritza tailerra emango du doan. Gehien jota 15 laguneko taldea onartuko da. Bertarako izena Turismo Bulegoan eman behar da. Kalean egingo dituzte ere sukaldaritza tailerrak, hilaren 18an eta 19an, eta denentzat. Amona Kattalin jatetxeko Txemi M. Artolak emango ditu eskola horiek, eskolako gehienez 20 pertsonako taldeak osatuz. Izena tailerrak hasi baino lehen eman behar da, eta Oiassoren kanpoaldean egingo dira. Honakoak dira tailerren ezaugarriak:

Hilaren 18an (larunbata), haurrentzako tailerra 12:00etatik 13:00etara; helduen tailerra arratsaldean da, 18:00etatik 19:00etara.
Hilaren 19an (igandea), haurrentzako tailerra 12:00etatik 13:00etara.

Azkenik, Mendibil ardandegian, Italiako ardoen dastaketa saioa egingo dute, doan, hilaren 17an 19:30ean hasita Oiassoren kanpoaldean. Taldeak gehienez 15 pertsonakoa izango da, eta izena unean bertan eman behar da. Dies Oiassonis 2015, egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Dies Oiassonis, zaporez betea

Gipuzkoa

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik