
Zesta Puntako Munduko Kontseiluaren txapelketaren barruko finala jokatu zuten atzo Hondarribiko Jostaldi pilotalekuan. Bertan Egigure-Ibai Erkiaga bikotea izan zen irabazlea, 15 tantura jokatutako bi setak irabazita, Aritz Erkiaga eta Leori (15-14 eta 15-9).

Aurten Josetxo Etxandi Oroitaldiaren 39. aldia jokatuko da. Antolatzaileek deialdi berezia egin diete Lezoko emakumeei herri txapelketan parte har dezaten.

gaztefolk1Gaztefolk egiten ari dira egunotan Bidasoan, nahiz Zumaia, Donostia eta Beran. Irungo Eraiki Dantza Taldeak antolatu du jaialdia, besteak beste Hondarribiko eta Irungo udalen laguntzarekin. Gazteak dira protagonista, aurten, Moldavia, Errusia eta Espainiatik etorriak.


Goizeko sokamuturreko gertakariaren ondotik, festa giroko hainbat ekitaldi egiten ari dira Donibanen. Santio Eguna baita gaur, festetako egunik handienetakoa. Bihar eta etzikoak ere egun handiak dira, Santa Ana eta San Pantaleon egunak sanjuandar guztien, eta bisitarien gogoan baitaude. http://youtu.be/saQRVRPPnIU

http://youtu.be/vyGzpaCRIgA

Atzo, ostirala, jaieguna izan zen Gipuzkoan. Decathlon Frantziako enpresak bere dendak jaiegunetan irekitzeko erabakia hartu du, eta horren kontrako elkarretaratzea egin zuten atzo goizean Irungo Txingudi parkean dagoen saltokiaren aurrean.

Donibaneren goialdean, mendi aldera, bada Santa Ana ermita izenekoa. Horren ondoan dago erromesentzako aterpetxea. Urtean zehar, eta Santio Jaietan bereziki, meza nagusia egiten dute bertan. Festetakoa gaur izan da, Santa Ana Egunekoa. Eliza bete-bete egin da. Hori izan da gaur Donibaneko jaien barruko lehen ekitaldia. Noski, badira gehiago

Datorren urtean arrantzaldi bikaina izango da, 71 buelta eman baitzituen Intza Emazabalek kutxarekin, aitonaren urte kopuru bera.

Santa Ana eguna ospatuko dute gaur Pasai Donibanen. Meza Nagusia ermitan egingo dute eguerdian, eta, Habaneren ikuskizuna berriz, gauean egingo dute, Santio Plazan. Bazkal orduan marmitako dastatzea izango da eta arratsaldean, berriz, baltsen jaitsiera eta olinpiadak. Hona gaurko egitaraua osorik:

Gaur arratsaldean egin dute Madalen Jaietako II. Kukaña Txapelketa, Euskal Guneak antolatuta, Oiartzun ibaian. Kukaña irristakorrean aurrera ibili dira dozena erdi partaide pasata, horren puntako ikurrina hartu nahian. Lagun eta etsai izan dute Oiartzun ibaira begira zegoen makila: lagun, irabazleek sari mardulak dituztelako, etsai irristakor zegoelako, eta ustekabean erortzen zirelako partaideak ur hotzera. http://youtu.be/nxA3Q4Lc_Hk