Kirol gunea eraikitzen hasi dira Urdanibia Berrin
Otsaila bukaera prest egotea aurreikusi du udalaren Obra departamentuak; erabilera anitzeko bi zelai eta haurrentzako joko gunea egingo dituzte bertan.
Irungo Udalaren Obra departamentuak jakitera eman duenez, Urdanibia Berriko kirol azpiegitura berria otsaila bukaeran prest egotea aurreikusi dute. Jaizubia etorbidean, Bolueta kalearen parean jarduten hasi dira beharginak dagoeneko. Erabilera anitzeko bi zelai eta haur joko gune bat eraikiko dituzte bertan. 2013ko Alkatea Auzoetan programaren barruan bertako bizilagunekin hartutako konpromisoaren ondorioz ekin diote obrari.
Era berean, Jesus kaletik San Juan plazara eta udaletxera doan igogailuaren estruktura eraiki dutela dagoeneko ere jakitera eman du Obra departamentuak. Hiru hilabete eta erdiko epea aurreikusi dute obra bukatzeko.
