San Tomas Egunari begira motorrak berotzen hasi dira irundarrak

San Tomas Eguna izan ohi da Urdanibia plaza jendez gainezka egotea lortzen duen urteroko hitzorduetako bat. Moskuko plaza atondu eta egitaraua prestatu ondoren, herritarren jai gogoa soilik falta da festak eztanda egin dezan.

Rebeka Parras

Irun

2014/12/19

Iazko San Tomas Eguna

Hitzordu handienetako bat da abenduaren 21ean ospatzen den San Tomas Eguna Irunen. Etzi, igandearekin iritsiko da azkenean hitzordua eta Moskuko plaza atondu ondoren, herritarren jai gogoa besterik ez da faltako beste urte batez festak eztanda egin dezan. Hala, dena prest dute dagoeneko eragileek, parte hartzaileek, elkarteek eta udal gobernuak berak. Eta horren harira, San Tomas Eguneko egitaraua plazaratu du Irungo Udalak. San Tomas Eguna:

08:00. Irungo Udalak Irungo Euskal Kirolak Elkartearen laguntzarekin,nekazaritza produktuen lehiaketan eta erakusketan parte hartzen dutenen artean postuak banatuko dituzte.
09:30. Lehiaketa eta erakusketan parte hartuko duten postuen irekiera.
10:30. Ezti-dastaketa Gipuzkoako Erlezainen Elkartearen eskutik.
11:00. Barazkien, animalien eta ezti lehiaketaren sari-banaketa.
11:15. Txorimaloak Soinu Taldea.
11:45. Adaxka Dantza Taldea.
12:15. Ibarla-Meaka Dantza Taldea.
12:45. Eraiki Dantza Taldea.
13:15. Irungo Udal Musika Eskolako ikasleen emanaldia.
18:00. Auntxa Trikitixa Taldea.
18:30. Meaka Euskal Dantza Taldea eta Bidasoako Trikitilariak.
19:30. Kemen Dantza Taldea.
20:00. Meakako Adixkideak.
21:30. Haitzama taldearen emanaldia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.