Bilduren ustez, "ezinduek ezin izango dute liburutegira heldu"
Koalizioak onartzen du liburutegiaren proiektua irisgarria dela, baina uste du liburutegiraino iristea ezinezkoa izango zaiela mugikortasun arazoak dituztenei.
Hondarribiko EH Bildu udal gobernuaren kontra azaldu da asteartean liburutegiaren gainean emandako prentsaurrekoarengatik. Koalizioak azaldu du gauzak egiten ari diren moduaren aurka dagoela, “eta ez liburutegia handitzearen eta antolatzearen aurka dagoelako, ez, ados baikaude lan horiek egin behar direla, baina ez gaude ados, inolaz ere ez, herritar batzuek kanpoan uztearekin”.
Bilduren ustez, liburutegia handitzeko proiektuak mugikortasun zailtasunak dituzten pertsonak alboratzen ditu: “Proiektua dagoen bezala egiten bada -EH Bilduk aurkeztuak ditu bi erreklamazio-, ezinduek, hau da, gurpildun aulkiak erabiltzen dituztenek, ezin izango dute liburutegira heldu”.
