Elkartasun Lasterketaren hirugarren entrenamendua, 19:00etan
Astelehenero eta ostegunero antolatu dituzte entrenamendu saioak, korrika egiteko ohiturarik ez dutenek lasterketan parte hartzeko erraztasunak izan ditzaten.
Abenduaren 28ko Elkartasun Lasterketaren prestaketa lanak aurrera doaz. Korrikalariei dagokionez, antolatzaileek nahi dute ahalik eta jende gehienak parte har dezala preso eta iheslarien defentsarako herri proban, eta horregatik, korrika egitera ohituta ez daudenei erraztasunak eman nahi dizkiete, entrenamendu saioak eskainiz. Horietatik hirugarrena gaur egingo dute. 19:00etan gelditu dira plazan saioa egiteko. Hurrengoa ostegunean izango da, ordu eta toki berberean.
Azaleko irudian agertzen dira ostegun arratseko entrenamenduan parte hartu zutenetako batzuk.
