Christmas Lehiaketa antolatu du Anaka Auzo Elkarteak biharko
6 eta 13 urte arteko umeei zuzendutako txapelketa da; irabazleek azaroaren 22ko Irungo Finalean parte hartuko dute.
2014ko Gabonak gertu dira eta horren izpiritua txikienen artean sumatzen hastan da dagoeneko. Horrekin lotuta, Anaka Auzo Elkarteko kideek auzoko haurrak Christmas Lehiaketan parte hartzera animatu nahi ditu, bihar, elkartearen egoitzan, 16:30ean hasita. Izena emateko interesa dutenek hala ere, 16:00etan bertaratu beharko dira.
Hala, bi mailatan banatuko dituzte parte hartzen duten umeak; 6 eta 9 artekoak eta 10-13koak. Euren margoak, errotulagailuak… eraman beharko ditu ume bakoitzak, eta margotzeko orria eta askaria elkarteak jarriko ditu.
Biharko lehia irabazten duten haurrek Urdanibia Berri auzoan azaroaren 22an egingo den Christmas Lehiaketaren finalera igaroko dira. Uztarri Ona Auzo Elkartearen egoitzan finkatu dute finalerako hitzordua, 16:30ean hasita.
