Aitzol Gogorza presoa Basurtuko erietxera eraman dute, birika tronboenbolismo batengatik
Basurtuko ospitalera eraman zuten asteazkenean Basauriko espetxean duten preso oreretarra, Etxerat-ek jakinarazi duenez. Arnas arazoak zituen, eta birikan isurtzea aurkitu zioten. Birika infartua edukitzeko arriskuan dago, eta frogak egingo dizkiote ospitalean. Nahasmen obsesibo konpultsiboa du.
Basurtuko ospitalera eraman zuten asteazkenean Basauriko espetxean duten preso oreretarra, Etxerat-ek jakinarazi duenez. Arnas arazoak zituen, eta birikan isurtzea aurkitu zioten. Birika infartua edukitzeko arriskuan dago, eta frogak egingo dizkiote ospitalean. Gogorzak obsesio konpultsibo nahasmena du, eta jaioterrian aspaldi jarri zuten bere askatzearen aldeko aldarria.
Etxerat-ek Gogorza eta bere familiak jasaten duten “eskubide urraketa” salatu du: “Larri gaixo dagoen arren, espetxean mantentzen dute Aitzol. Kalean egon beharko luke, kalean egoteko eskubidea duelako, bere osasun egoera eta espetxea bateraezinak direlako. Aitzolen egoera krudela, basatia da”. Duela gutxi epaileek uko egin diote 100.2 artikulua Gogorzari aplikatzeari eta zigorraren etena ezartzeari.
