Emekik lokal berria du Puntalean

Atzo inauguratu zuen Hondarribiko emakume elkarteak egoitza berria, eskola zaharreko eraikinean. Inaugurazioan esan zutenez, "kostata baina lortu dugu" aretoa, eta gustura agertu ziren azpiegitura berriarekin. Bat ez, bi areto izango ditu Emekik aurrerantzean, bat ikastaroak burutzeko, eta beste bat bileretarako.

Asier Perez-Karkamo

Hondarribia

2014/10/01

Emakume taldeko batzordeko kideak, lokal berrian

Atzo inauguratu zuen Emeki emakume elkarteak egoitza berria, Puntaleko eskola zaharreko eraikinean. Ekitaldi xumea izan zen, baina ez zen merienda falta izan. Hogeita hamar bat emakume bildu ziren inauguraziorako, eta gizon bakarren bat ere bazen. Udalak ordezkaritza bidali zuen, Aitor Kerejeta alkatea eta Maite Pelaez Gizarte Zerbitzuetako zinegotzia buru zutelarik. Bilduko, PSE-EEko eta PP-ko hautetsiak ere agertu ziren instalazio berriak ezagutzera. Inaugurazioan esan zutenez, “kostata baina lortu dugu” aretoa, eta gustura agertu ziren azpiegitura berriarekin. Bat ez, bi areto izango ditu Emekik aurrerantzean, bat ikastaroak burutzeko, eta beste bat bileretarako. Eguraldi ona egiten duenean aukera izango dute kanpora ateratzeko, eskolako patiora irteera dutelako. Emekiz gain, beste bi erabiltzaile izango ditu aurrerantzean Puntaleko eskola izandakoak, Caritas eta Hondarribiko Gazte Asanblada (HGA). Hauetako bakoitzak areto bat izango du eta bada beste gela bat hiru elkarteek biltegi bezala erabil dezaketena. Udalarena da eraikina eta udal teknikariek egin dituzte konponketak eta egokitze lanak, elkarteekin adostuta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.