Abuztuaren 22tik 24ra egingo dute Bidasoafolk jaialdiaren XIV. ekitaldia
Bidasoafolk jaialdiaren XIV. ekitaldia aurkeztu dute gaur goizean Hondarribiko udaletxean. Abuztuaren 22tik 24ra bitartean antolatu dituzte emanaldiak Irunen, Hondarribian eta Hendaian. Kultur anitz batuko dituen jaialdia izango da aurtengoa antolatzaileen iritziz, "tradizioa eta modernotasuna eskura, jende ororentzako, gazte eta helduentzako, badiako herritarrentzako eta bisitarientzako". Gainera, emanaldi guztiak debalde direla gogora ekarri dute.
- Abuztuak 22, Hondarribia: Eme Alfonso Arma Plazan 20:30ean eta Lo Còr de la Plana ariko da leku berean, 22:00etan abiatuta.
- Abuztuak 23, Hendaia: Mandolinman Gaztelu Zaharren, 20:30ean eta Chicuelo & El Duende leku berean, 22:00etan.
- Abuztuak 24, Irun: Toques do Caramulo Santiagoko Euskal Jai pilotalekuan 20:00etan eta La Iaia frontoian bertan, 21:00etan.