Menchu Gal margolariaren obra inoiz baino biziago

Menchu Gal eta Irungo Pintura Ondarea izenpeko erakusketa abiatuko dute bihar 19:30ean, Irungo Udalak eta Menchu Gal Fundazioak Ficoba euskal kostaldeko erakustazokan. Jose Antonio Santano alkateak, Belen Sierra Kultur delegatuak eta Edorta Kortadi erakusketaren komisarioak margolan bilduma aurkeztu dute gaur goizean komunikabideen aurrean egindako agerraldian.

admin

Bidasoa

2014/07/21

Menchu Gal eta Irungo Pintura Ondarea izenpeko erakusketa abiatuko dute bihar 19:30ean, Irungo Udalak eta Menchu Gal Fundazioak Ficoba euskal kostaldeko erakustazokan. Jose Antonio Santano alkateak, Belen Sierra Kultur delegatuak eta Edorta Kortadi erakusketaren komisarioak margolan bilduma aurkeztu dute gaur goizean komunikabideen aurrean egindako agerraldian. Antolatzaileek azaldutakoaren arabera, 140 margolan biltzen ditu erakusketak denera. Bertan, Menchu Galen margolanez gain, Bidasoaldeko beste artisten lanak ere erakusgai jarri dituzte. Zentzu horretan, zazpi atal ezberdinetan banatuta dago erakusketa:

Menchu Galen margolanak.
Grabatu eta litografien bilduma.
Irungo paisaiak: hiria, natura eta itsasokoak.
Junkal: hiriaren ikurra.
Alkateak eta pertsonaia ezagunak.
Felipe Igiñizen argazki eta margolanak.
Adur-Bidasoa pintura lehiaketan saritutako artelanak.

Erakusketaren komisario Edorta Kortadik esandakoaren arabera, “Irungo margolan ondarea Euskal Herriko eta batez ere, Gipuzkoako zabalenetako bat da”. Ildo horretan, Bidasoaldeko pintura museoa eratzeko adina margolan eta artelan badagoela adierazi du adituak. “Irungo Udala oso arduratsu agertu da beti margolan ondarearekin, eta XIX. mendetik gaur egunera arte, Irunekin zerikusia zuten artelanak lortzen eta mantentzen saiatu da”, gaineratu du. Horiek horrela, pozik agertu da komisarioa bildutako margolanekin; hala ere, “batzuk duten tamainarengatik ezin izan ditugu ekarri”, esan du Kortadik. Horrez gain, Irungo Javier Arizabalo eta Jose Luis Noain eta Hondarribiko Judas Arrieta eta Javier Alkain artisten margolanak faltan botatzen dituela ere onartu du komisarioak. Bihartik datorren abuztuaren 31ra arte zabalik egongo da Bidasoaldeko artisten margolanen erakusketa, Ficoban. Erakusketa bisitatzeko ordutegia astelehenetik larunbatera 11:30etik 13:30era eta 18:00etatik 21:00etara da; igande eta jaiegunetan aldiz goizez bakarrik zabalik egongo da 11:30etik 13:30era. Horrez gain, bisita gidatuak egingo dituzte ostiralero, 11:30ean eta 12:30ean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.