Akordiorik lortu ezean greba mugagabeari ekingo diote Real Unioneko langileek
Batez beste 18 hilabeteko soldatak ez dituztela kobratu salatu du aste honetan CC.OO sindikatuak. Hori dela-eta, akordiorik lortu ezean astelehenean greba mugagabea hasiko dutela adierazi dute Real Union klubeko langileen batzordetik. Zentzu horretan, astelehena baino lehen atzeratutako hiru soldata jasoz gero, bertan behera utziko lukete greba langileek, baina horrez gain, iraila baino lehen “2013-2014 denboraldiko gainontzeko soldata guztiak” jasotzeko eskaria luzatu diete klubeko zuzendaritzari. Era horretan, denboraldi berria hasten denerako soldaten egoera eguneratua egongo litzatekeela adierazi dute.
Garbiketan, administrazio eta kudeaketan, zelaiaren mantenuan eta irekieran… eragingo luke klubeko langileen grebak.
