San Migel-Anaka eremuko bidexka berria abuztuan zabalduko dute

admin

Bidasoa

2014/07/16

San Migel-Anaka eremuko lanak

Lehen fasean 10.271 metro koadroko azaleran jarduten ari dira beharginak, eta Anaka eta San Migel artean “konexio ona, segurua, lasaia eta ondo argiztatua” osatzea da helburua Jose Antonio Santano alkatearen hitzetan. Izan ere, bisita egin dute gaur goizean udal gobernuko ordezkariek alkatea buru zutela, eta obrako arduradunek. Kontent agertu dira lanen erritmoarekin eta abuztuaren lehen hamabostaldirako bidexka berria eta egokitutako ingurua irekitzea aurreikusi dute. Bidexka berria Julian Sanchez parkearen parean kokatuta egongo da. Alkateak azaldutakoaren arabera, hurrengo fasean Letxunborro hiribide ondoko eremuan jardutea aurreikusi dute. Bertan kirol azpiegitura bat eraikiko dutela esan du alkateak. Era berean, hurrengo pausoan bertako lantegiak eraitsi eta inguruko etxebizitzak eraberritzeko diru laguntzak bideratuko dituzte. Hala, Agerre kaleko etxebizitzen inguruan alkateari galdetuta, horietako batzuk ere eraitsi beharko dituztela esan du, “zehazki 2 eta 4 zenbakiak, eta Zubimuxuko biribilgunetik gertuen dagoen etxebizitza, bi eremu horietarako aurreikusitako hobekuntzen barruan eta Agerre kaleko ordenazio planari jarraituta”. Momentuz, lanak Leka Enea ikastetxeraino iritsiko direla azaldu du alkateak eta ez harago. Gainera, bi urteko haurrentzako gelak eraikitzen ari dira Leka Enean, eta beraz, aldaketa “nabaria” izango dela onartu du alkateak. Lehen lan horien aurrekontua 147.905,88 eurokoa izan da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

San Migel-Anaka eremuko bidexka berria abuztuan zabalduko dute

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak