Euskadiko Trialsin Txapelketaren barruko bigarren proba jokatu zuten larunbatean Oiartzungo Urkabeko eremuan, eta bertan, Elite Mailako kirolariek, Ion Areitio eta Gorka Susperregik, goi mailako ikuskizuna eman zuten, lezioa. Publikoaren txaloak maiz eragin zituzten haien joan-etorri eta jauziekin. Areitiok irabazi zuen, baina Susperregiren ausardia nabarmentzekoa izan zen.
-
Euskadiko Trialsin Txapelketaren barruko bigarren proba jokatu zuten larunbatean Oiartzungo Urkabeko eremuan, eta bertan, Elite Mailako kirolariek, Ion Areitio eta Gorka Susperregik, goi mailako ikuskizuna eman zuten, lezioa. Publikoaren txaloak maiz eragin zituzten haien joan-etorri eta jauziekin. Areitiok irabazi zuen, baina Susperregiren ausardia nabarmentzekoa izan zen.
Denera 22 kirolarik parte hartu zuten Urkabeko proban. Gutxien, Elite Mailan. Izan ere, hainbat konpromisogatik, ezin izan zuten bertan egon ez Benito Ros edo Abel Mustieles bezalako trialsin izarrak. Dena dela, antolatzailek pozik daude probak emandakoarekin, eta eskerrak helarazi dizkiete hori antolatzen lagundu zutenei, nahiz Oiartzungo Udalari.
Euskadiko Txapelketako hurrengo proba Gasteizen jokatuko dute larunbatean, eta irailaren 13an egingo dute Hondarribiko proba. Elite Mailan, Ion Areitio da nagusi sailkapen nagusian, Irungo nahiz Oiartzungo probak bereak izan direlako.
Goikoak probaren hainbat argazki dira, Ramon Cruz sanjuandarrak utzitakoak.