Luis Mariano Nazioarteko XII. Kantu Lehiaketa gaurtik larunbatera arte egingo dute

admin

Bidasoa

2014/07/09

Luis Mariano Nazioarteko XII. Kantu Lehiaketaren aurkezpena

Gaurtik hasita eta larunbatera arte antolatu dute Luis Mariano Nazioarteko XII. Kantu Lehiaketa. Amaia Kultur Zentroan izango dira emanaldiak eta denera, nazioarteko 19 lagunen parte hartzea izango du. Aurtengo ekitaldia gainera, “berezia” dela iritzi dio Ana Maria Sanchez epaimahai buruak, “Luis Marianoren jaiotzaren mendeurrenaren ospakizunetan bete-betean sartuta dagoelako hiria eta lehiaketa honek, ospakizunen egitaraua aberasten lagunduko duelako”. Espainia, Venezuela, Peru, Amerikako Estatu Batuak, Kanada, Brasil eta Hego Koreatik iritsitako parte hartzaileak izango dira lehiaketan, eta horien artean, sopranoak nabarmentzen diren arren, mezzoak, baritonoak eta kontratenore bat ere dago. Emanaldi guztiak 19:00etan hasiko dira. Gaur eta bihar kanporaketak izango dira; etzi finalerdiak, eta larunbatean, finala. Lehen hiru egunetan sarrerak debalde izango dira eta larunbateko finalean aldiz, 4,10 eurokoa. Sariei dagokienez, ondokoak izango dira:

1. saria: 6.000 euro.
2. saria: 4.500 euro.
3. saria: 3.000 euro.
Epaimahaiaren sari berezia etorkizuneko ahots oparoari: 2.000 euro.
Publikoaren sari berezia: 2.000 euro.
Luis Mariano elkartearen Luis Mariano Saria: datozen bi denboraldietan parte hartzeko kontratua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.