Arrosek goitik behera agindu dute San Pedroko erlojupekoan eta lidergoan hasi dute txapelketa. Hibaikak arazoak izan ditu irteeran baina bigarren geratzea lortu du. Orio izan da hirugarren, baina oso gertu izan ditu Zumaia eta Getaria-Zarautz.
Sanjuandarrek estropada bikaina egin zuten eta lider jarri dira
San Juanek irabazi du Gipuzkoako Emakumeen V. Traineru Ligako lehen jardunaldia. Pasai San Pedron egin zen larunbat arratsaldean, KAE1eko probaren aurretik. Kronoaren kontrako lehia izan zen eta Liga jokatuko duten sei ontziek itsas milia bat eta erdiko ibilbidea osatu behar izan zuten, kal bakarrean. Hiru luze egin beahr izan zituzten, hau da, bi maniobra.
Arrosek nagusitasun erabatekoa erakutsi zuten, hutsik gabeko estropada burutuz. Hiru luzeetan markatu zuten denbora onena, eta estropadaren bukaeran 31 segundo atera zizkioten bigarrenari, Hibaikari. Errenteriarrak gaizki hasi ziren, irteeran trabatuta geratu baitziren, eta hemezortzi segundo galdu zituzten lehen luzeran. Hortik aurrera ondo aritu ziren eta bigarren eta hirugarren luzeretan pasaitarrek baino ez zituzten Hibaikaren denborak gainditu.
Bigarren bukatzea lortu zuen Hibaikak
Orio hirugarren izan zen San Pedron, irabazleengandik 35 segundura, gutxigatik Zumaia eta Getaria-Zaratz traineruak gaindituz. Bi segundutan sartu ziren hirurak eta hirurek erakutsi zuten aurtengo Ligan lehen hiru postuen artean egon nahi dutela. Azkena San Pedron Santoña geratu zen, oso urruti. Balizetan zailtasunak izan zituzten eta arraunketan ere gainontzeko ontziak baino motelago.
San Pedron ikusitakoaren arabera, San Juan eta Hibaika aurrean ibiliko dira aurtengo ligan. Sanjuandarrak eraz nagusitu ziren erlojuaren kontra, baina Hibaikaren irteera txarrak bidea erraztu zien. Ikusi beharko da
Emakumeen Liga. San Pedroko Bandera
- San Juan: 11:07,53
- Hibaika: 11:38,66
- Orio: 11:42,91
- Zumaia: 11:43,82
- Getaria: 11:44,83
- Santoña: 13:02,50
